أنا ودي اقــــولك شـــي يخصـــــك انت بالحالك
وودي لوسمحـــــــت انك حبيبـــي ماتقاطعنـي
تصدق اني في غيابك ماغــــاب بليلتـي هـــلالك
ولا غــابت بصبحي يوم شمســـك واختفت عني
حبيبي ليه تخليني ولا اعـــــرف عن احـــوالك ؟
ولاادري وش هي اسبابك ولاادري ليه تتركنـي
ابي اعرف يالغلا وش صار تكلم باسمـع اقوالك
بامكــــــانك توضح لي خطـاي وما بدا منـي
وبامكاني ابــــرر لك بحبــــــــــي عــذر يحلالك
ولو ماخطيت !! مايمنع اجي يمـك تسامحنـي
تعبت اشرح غلاك اللي يجوز يغيب عن بالك
تعبت بحبي واحساسـي ولو مره تصدقنــي
انا لا قلــت حبيتك ! ربطت القلــب بحبالك
اسرني حبـك الغــالي حشا لله تملكنـي
انا لا قلــت حبيتك ! جرفنــي عذب شـلالك
حلو واحلا من السكــر واراهن من يراهني
انا لا قلت حبيتك ! اهد النـــاس وافضـى لك
ومن غيرك تراه يقدر على غيابك يعوضنــي !
انا لا قلت حبيتـك ! جعلت بقلبـي منزالك
انا لا قلت حبيتـك ! دخيــلك لاتعذبنـي
حبيبي ليه تجازي الحب وشوقي بشين افعالك ؟
نسيت اني نسيت انساك حبيبي وانت هاجرني
تعال وشوف ياعمري حياتي سبـــــة َ اعمالك
ذبحها الهم في غيابك واظنك مانت عارفني