.. تمنييت لو أحــد يسمعني‏ ..

> > صحيت من النوم فجأة
> >
> > شفت نور غريب !!
> >
> > المشكلة أن نور الغرفة مسكر
> >
> > شفت الساعة على 3 ونص الفجر
> >
> > طيب .. النور هذا كله من وين ؟؟؟
> >
> > -----
> >
> > تفاجأت لما شفت ايدي نصها بالجدار
> >
> > طلعتها بسرعة وانا خايف جلست اشوفها
> >
> > دخلتها مره ثانيه بالجدار .. تدخل !!!!!!!!
> >
> > ----
> >
> > سمعت صوت ضحك
> >
> > جلست التفت لقيت اخوي نايم !!!
> >
> > قمت من السرير وانا خايف رحت اصحيه
> >
> > بس ما يرد علي
> >
> > رحت غرفة أمي
> >
> > أحاول أصحي أبوي
> >
> > أبي أحد يرد علي ماردو
> >
> > رحت لأمي أحاول اصحيها فجأة قامت من النوم !!!!!
> >
> > ---
> >
> > اهي قامت من النوم بس ماكلمتني
> >
> > كانت تسمي ' بسم الله الرحمن الرحيم ' وتكررها ..
> >
> > قومت ابوي من النوم قالت له قوم قوم
> >
> > ابي اروح اتطمن على الأولاد..
> >
> > أبوي جاوبها باستغراب ' مو وقته خليني انام وباجر يصير خير '
> >
> > لكن باصرارها قام من النوم مستغرب وراحو مع بعض
> >
> > ---
> >
> > قعدت أصرخ أمييي أبوييي
> >
> > بس محد يرد !!!
> >
> > مسكت ثيابها ابيها تسمعني
> >
> > بس ماحست !!!
> >
> > جلست امشي وراها لحد ما وصلت غرفة النوم
> >
> > دخلو غرفة النوم وشغلو اللمبات
> >
> > ماكانت تفرق معاي لأن الدنيا منوره أصلا
> >
> > بسسس تفاجأت لما شفت شي غرييييييب
> >
> > ---
> >
> > شفت جسمي !!!
> >
> > أيهو جسمي انا
> >
> > قعدت أطالع في نفسي لقيتني صرت اثنين
> >
> > قلت في نفسي منو هذا ؟ وشلون هذا يشبهني !!!
> >
> > قعدت أضرب في نفسي أبي أصحى من هذا الحلم الكئيييب
> >
> > لكن ما صحيييت
> >
> > ---
> >
> > أبوي قال ' يالله شفتي انهم نايمين خلينا نمشي '
> >
> > لكن أمي ما هدت راحت عند اللي كان نايم مكاني
> >
> > قالت محمد قووم محمد قووم رد علي
> >
> > بس ما يرد !!!
> >
> > حاولت أكثر من مرره وفجأة بدأت دمووع أبي تتساقط
> >
> > أبي القوي الذي لم أرى في حياتي دموعه رأيتها اليوم
> >
> > بدأ الصراخ يعلو المكان .. صحى أخي من النوم قال ' شنو صاير '
> >
> > أمي قالت له وهي تصرخ ' أخووك ماات محمد ماات ' وهي تبكي بحرقة
> >
> > ---
> >
> > ازداد الصراخ
> >
> > رحت لأمي قلتلها لا تبكي أنا هني شوفيني!!
> >
> > مافي احد يرد علي ليييش
> >
> > قعدت أصرخ أنا موجووود شوفووو
> >
> > بس مافي احد يرررد
> >
> > قعدت أصرخ يااااارب يااااااارب يخلص الحلم اللي انا فييه
> >
> > ---
> >
> > سمعت صوت يأتي من بعيد وكان يعلو شيء فشيء
> >
> > حتى سمعت قوله تعالى : ((
> >
> >
> >
> >
> > لقد كنت في غفلة من هذا فكشفنا عنك غطاءك فبصرك اليوم حديد
> >
> > لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))
> >
> > فجأة في اثنين مسكوني بس هما مش من البشر
> >
> > خفت !!
> >
> > قعدت أصرخ أتركووني أتركووني
> >
> > أنتو منو ؟؟ وشتبون ؟؟
> >
> > قالو : ' أحنا حراسك لحد القبر '
> >
> > ----
> >
> > قلت أنا مامت أنا حي
> >
> > ليش تودوني القبر أتركووني !!
> >
> > أنا أحس و أتكلم و أشوف ليلحين ما مت
> >
> > ردو علي بابتسامه
> >
> > قالو ' عجيب أمركم يالبشر تظنون أن الموت نهاية الحياة ولا تدرون أن ماكنتم تعيشون فيه هو حلم قصير ينتهي عندما تموتون '
> >
> > مازالو يسحبون فيني لحد القبر
> >
> > واحنا بالطريق شفت ناس بتبكي وناس بتضحك و ناس بتصرخ
> >
> > وكل واحد معاه اثنين زيي
> >
> > سألتهم ليييه يسون جذي ؟؟
> >
> > قالو ' الناس هذول عارفين مصيرهم منهم من كان على ضلال '
> >
> > قاطعتهم وانا خائف ' يعني بيروحون النار !!!! '
> >
> > قالو ' نـعـم '
> >
> > وأكملو حديثهم ' واللي يضحك هذا رايح الجنة '
> >
> > رديت بسرعة ' وأنا رايح وين ؟؟؟؟؟ '
> >
> > قالو ' أنت كنت شويه تمشي صح و شويه تمشي خطأ
> >
> > شويه تتوب وترجع اليوم الثاني تعصي وماكنت واضح مع نفسك
>وراح تضل تايه
> >
> > قاطعتهم و أنا خائف ' يعني شنووووو يعني انا برووح الناار '
> >
> > ردو علي ' رحمة الله واسعة و الرحلة طويلة '
> >
> > ---
> >
> > التفت وأنا خايف شفت أهلي أبوي عمي أخواني أقاربي كلهم
> >
> > كانو حاملييني بصندوق رحت لهم ركض قلتلهم ' ادعو لي '
> >
> > لكن مافي حد رد علي منهم من كان يبكي ومنهم من كان حزيين
> >
> > رحت لأخوي قلت له انتبه من الدنيا وفتنها لاتغريييك
> >
> > كنت أتمنى لو أنه يسمعني
> >
> > شدوني الملكيين لقبري ونوموني فوق الجسد حقي
> >
> > شفت ابوي وهو يرمي التراب فوقي
> >
> > شفت اخواني وهما يرمو التراب
> >
> > شفت الناس كلها ترمي التراب فوقي
> >
> > ----
> >
> > تمنيت لو اني مكانهم في الدنيا كان تبت
> >
> > كان صليت الفجر أمس
> >
> > كان دعييت ربي كل يوم
> >
> > كان جددت توبتي كل يوم
> >
> > كان بطلت معااصي
> >
> > قعدت اصرخ ' يااانااااس انتبهووو تغرركم الدنيا '
> >
> > تمنييت لو حد يسمعني
> >
> > فهل سمعتني أنت ؟ ؟ ؟

تحيتي لكم ..

مع اني قارية هالقصة من قبل

بس لمن قريتها كش ينبي

يااارب سامحنا واغفر لنا

امييين يااارب

تسلمين سفرية عالقصة الحلوة

تقبلي مروري

:-)

تسلميييين سفيره عالقصه

والله انها خوووش قصه

ويارب سامحنا واغفر لنا

بارك الله فيج
الله يعطيج الف عافيه
لاهنتي ياربي
تقبلي مروري
دمتي بود

اللهم اميــــن ..

والله يسلمكم ويعاافيكم ..

تسلموون ع المرور العسل ..