ماذا ستفعل عندما تعلم ان من جرحك مات !!

هنا معك يوما ما .. بادلته المشاعر
ربما اعتبرته صديق !!
أو حبيب
قريب
أو حتى أخ !!
أمنته أسرارك .. شكوت له حزنك
وفجأة!!!!

وبلا مقدمات

يطعنك في ظهرك في لحظة عناق!
فيرحل

إلى أين ؟؟

ليكمل طعنته .. ينثر أشواك جريمته على الآخرين
ليغرز بقلوبهم حقد تجاهك .. يشوه سمعتك عند من يحبوك
يبعد عنك أحبابك ،، يبث رائحة أسرارك في كل مكان
ثم يختفي من حياتك
تاركاً ورائه جرح عميق ينزف !! ودرس لن يمحى من الذاكرة
ولربما زرع في قلبك .. دعوة لرد الجرح بجرح آخر أو الانتقام !!
أقسمت أنك لن تسامحه أبدا ولن تنسى !!

تمر السنون

لا لن يرجع ذلك الشخص
بل يأتيك أحدهم بخبر موته

كيف ستكون ردة فعلك؟

وهل

- هذا الخبر ينسيك الماضي؟ << كيف وحاضرك هدمه ماضيك!!
- تتأثر لموته ولكن لا تبكي؟ << هل محتويات درسه كانت القساوة!!
- تغرق الديار دموعا على فرقاه؟؟ << هل هذا يعني أنك عدت
لسذاجتك التي لقبت بها بعد طعنه لك !!
- تسامحه وتعفو عنه >> " كيف وانت فقدت بسببه الكثير " !!

أم تقول

مات الشر !!

أنتظر ردودكمـ ،،،؟؟

منقووووول

اول شي يعطيك العافيه عالموضوع الروعه
ثاني شي انا من رايي اذا احد سوى فيني هالحركه ومات
طبعا بيصدمني خبر موته بس ماراح ابجي وراح اسامحه لأن ماكو فايده من اني احط بقلبي او اني ما احلله خصوصا انه مات ماراح يفيدني شي اذا حطيتها بقلبي ولا سامحته
وبعدين انا تعلمت درس بحياتي اني ما احط اسراري عند اي احد اخليها بيني وبين ربي وعلى قولتهم السر اذا عرفه اكثر من اثنين مايعتبر سر واذا كنت شاطره ومظلومه اقدر ارد اعدل حياتي مره ثانيه واستفيد من اغلاطي وافرض احترامي بعد بين الناس
اشكرك مره ثانيه على موضوعك الروعه
وتقبل مروري

اكيد يعني راح انصدم على موته

بس ما راح تنزل دمعه وحده عشانه

و راح اسامحه بكل ما هو فعله على شان يخف عقاب الله سبحانه و تعالى

يسلمووووو خيووووو على الموضوع الاكثر من روعه

تقبل مروري

مشكووووور اولا عالموضوووع

ثانيا راااح انصدم من من موته

ثالثا راااح اسامحه لان مافي فايده منه بعد موته

رابعا تقبل مروري

من ناحيتي انا ما احب اشيل بقلبي شي وراح اسامحه المسامح كريم
واذا مات اكيد بنصدم .. الله يرحمه بس مستحيل تنزل دمعه من عيني
يمكن اطلب من الله يغفر له
ومثل ما قالت ملكه .. درس اني ما امن احد اسراري
يعطيك العافيه المهندس على الموضوع
لاهنت يالغالي
تحيتي

اول شي يسلموو عالموضوع

- هذا الخبر ينسيك الماضي؟ << كيف وحاضرك هدمه ماضيك!!

لا اكيد ما ينسيني اللي سواه فيني

- تتأثر لموته ولكن لا تبكي؟ << هل محتويات درسه كانت القساوة!!

لا ابجي اتاثر بموت الناس اي اعترف انه علمني القساوة

- تغرق الديار دموعا على فرقاه؟؟ << هل هذا يعني أنك عدت
لسذاجتك التي لقبت بها بعد طعنه لك !!

لا ما ابجي عليه جذي

- تسامحه وتعفو عنه >> " كيف وانت فقدت بسببه الكثير " !!

انا مو من النوع اللي يسامح بسرعة بس اللي احب صج ما ينسى اللي احبه لو شنو سوى فيه

اسمتعت بقراءة ردوووودكمك وجميعها متشابه بالمعنى

كل واحد له طبيعه في اختيار حياته وكل واحد يشوف نفسه اهو الصح

وكل انسان يختلف بتركيبته عن غيره ............
اشكركم على المرووور
ملكه زماني
الملك الحب
قدساوي
اميره
زي العسل

اما انا عن نفسي وعن رأي

كنت سابقا ازعل حتى لو كان يضرني بشغله بسيطه اتركه ولا اعرفه

اما بعد ما عقلت شفت اسلوب حياتي خطأ بخطأ

اول شي اذا مات انا بالاساسي مراح اشيل قلبي عليه ولا راح ازعل
بالعكس افتح قلبي لو اساء لي وطعني
وبالعكس راح تكون لي فايده بأن اعرف شلون اختار اصدقائي
واعرف منو يكون كاتم اسراري

ملكه زماني الانسان لازم يختار من يرتاحله ليكون كاتم اسراره ولا بيعيش
عيشه منفردة منعزله عن العالم اضن في رأي ماكو انسان يحب يكتم اسراره لنفسه

الرسول صلى الله عليه وسلم كان عنده صحابي كاتم اسراره فكيف نحن لم يكون
عندنا كاتم اسرار .....................
تجربه حياتي...::

ايام الثانويه كنت في مناصب العاليه احرزتها من الانتخابات مجلس الطلبه
وكنت محبووب بين المدرسين وبين الطلبه عامه وبين الادارة 3 سنوات وانا احرز القاب
التفوق وجميع نشاطات المدرسه مشارك فيها
لدرجه اجبروني لإنسحاب وانا رفضت........
ولكن كان عندي صديق ليس بكاتم اسراري ولكن اي شي اقوله يروح يتكلم
وكان الرحلات بالمدرسه ممنوع الطالب يطلع اكثر من مرة وانا كنت اطلع اكثر من 10 مرات
ولـــكن للأسف الطلبه ذهبوا للإدارة واشتكوا علي
ومع ان هذولا ربعي الي اعزهم
وحتى لما يطلبون اني اغششهم كنت اغششهم واعرض لنفسي سحب ورقتي وما اكمل امتحاني
علشان ما اخلي احد يفكر انه يزعل علي
كنت اماشي رغباتهم لاني ابي بنهايه هدف واحد اذا تخرجت يذكروني بزين......
وللأسف لما اشتكوا علي ما اقدر يضروني لكن قطوها بويهي قالولي ترى احنا اشتكينا
عليك عند الادارة لانك ماتروح الرحلات
قلتلهم انتوا تاج راسي من حقكم تشتكون
قالولي مازعلت قلت ابدا مازعلت انا ماخذ حقكم وحقي لاني موقاعد ادرس
المهم كل واحد يا وحب راسي قالولي والله توقعناك انك تبي تزعل وماتكلمنا
قلت تبوني ااكد على كلامي الحين انا بدال احط اسمي احط اساميكم اشرايكم
اني كل واحد نقد على روحه
وصج هذا الي صار حطوني بقائمه بلاك لست ممنوع الرحلات
رحت وسجلتهم برحلات
كل واحد لما اي يقولي عرفت تمسكنا بالايد الي تعورنا....
وبعدين رحت شلت نفسي من القائمه بلاك لست ورحت معاهم رحله هذا ابسط شي

هذا شويه بلي صارلي والله لو اقولكم شنو الي صارلي بثانويه
تقلون مفروض انا ذابحه اكثر من زعل
واحد من ربعي الي امون عليه عصب علي قالي واحد يحفرلك وانته ما تتكلم
قلتله اخر شي اهو بيطيح فيها
احنا بثانويه يعطونا جدول ونغيره لا وباليالله نغير الجداول
طلب مني ارفيجي انغير الجدول وكان جدولي وقته كلمن
يحسدني عليه من المدرسين ومن الشعبه كلهم كانوا شطار
تخيلوا الموقف قلتله اوكي نغير مادام انته تبيه اهو الولد طلب مني انغيره
لانه جدوله خايس وماعنده طلبه شطار يغش منهم فكنت اقدر انا واهو نغير الجدول ونطيح بشعبه وحده وكــان مدرشدي يقولي امبارك لاتغير الجدول والل هتكون مينون وانا عنيد
قلتله تغيرلي اياه
المدرس يبي مصلحتي راح خبر المدرسين اذا يالكم مبارك قولوله ممنوع تغير الجدول
وانا ما ادري انه يبي مصلحتي كنت ادفاشه وبروح مع ارفيجي
رحت شلت المنع وغيرت الجدول ....

بالنهايه رحنا غيرنا الجدول
فقدت ارفجي اكثر من حصه تخيلوا تدرون لما غاب اكثر من 3 حصص شنو سوى راح
حط الجدول الي كان جدولي القديم ..........
وبعدين يحطني جدام امر الواقع يقولي ترى غيرت جدولي
تتوقعون شراح اسوي فيه
وقته كنت برد جدولي القديم ما قدرت لانه المدرس عايرني قالي موقلتلك من اول
لاتثق بأحد .... والى الاخر من الانتقادات
المهم قالي المدرس اخذه الدرس بحياتك قالي اقدر ارد الجدول مالك لكن ابيك تتعلم
مو اي واحد تثق فيه لو كان مصلي وملتزم وارفيجك ولد الناظر او ماشابه

قلته باخذه الدرس.....

وقته كنت منهار لكن الولد صج حزت بخاطري وزعلت اكثر من اسبوعين وبعدين
قلتله انا اسف جان يقولي مبارك انا الي اتأسف قلتله انا اسف اني زعلت عليك
اما الحركه مو غلطك غلطتي لاني انا ما اسمع الكلام من المدرسين واثق بأي واحد
اهو انكسر قلبه لما سمع هالكلمه
مازعلت من الولد لكن ما اثق فيه لالحين اكلمه لكن مو مثل اول
بالاخير الحمدالله حفر حفره وطاح فبها
المدرسين الي يدرسونه صاروا بجدولي واهو الي كلاها

-------------------------------------------------

خذيت على نفسي عهد اني مازعل لأي واحد لانه الدنيا ماتسوى زعل
اما تقولون هل راح تدمع عليه
الى راح ابجي لاني فقدت صديق واعتبره صديق
لانه الحين المجتمع يمشي لمصالحه
فإلي نشوفه شي عادي صح طعنه
لكن مثل مانقول سوالف يهال
خل قلبك ابيض ووسيع صدقوني بتلقون كلام من وراكم يثلج الصدر
خله يموت واهو مرتاح بأنه محد زعل عليه...
تنصدمون براي لكن لما فهمت الدنيا عدل
خذيت هذا القرار ممنوع الزعل مهما كانت الامور

هل بالكلام الي كتبتوه اني افهم قلبكم حجر امام انسان جرحك لدرجه مادمع عليه

وانا الصحبه الي صارت اكثر من سنين

اظن مهما صار ومهما كان يبقى عزيز

وانا انتظر ردكم
ومناقشه حول الموضع

ما اقول ماتحز بخاطر الي اذبحه
لكن مو انسى الصحبه

::
::

انا الكلام اللي كتبته كان من تجربه اظن انك عشتها معاي او اني اطلعتك على التفاصيل
واتوقع الكل يعرف منو اهوا وشنو كانت التفاصيل
يعني لو يقولون لي انه مات انا اللي راح ارتاح نفسيا مو مسأله حقد او ماشابه
لكن الانسان هذا عايش يضر خلق الله
اما لو مثل ما انت قلت ومع تجاربك لو ان صديقه من صديقاتي توفت او اي وحده بالمدرسه ممكن اكون زعلت منها او شلت بخاطري منها ممكن ابجي مهما كانت العشره ماتهون الا على ولد الحرام
ويمكن حزتها اقول سوالف بنات ودلع وتزاعلنا وخلاص وممكن انسى اللي صار بلحظات
واطلب من الله انه يسامحني ويسامحها ويغفرلها

::

في حالات استثنائيه
انت هني عاشرت هالشباب من خلال الدراسه بالثنويه 4 اسنين يعني تعتبرهم اخوانك ربعك زملائك شي من هذا القبيل
يعني تزهلون يوم وترضوون اليوم اللي وراه
لازم نمر بخلافاات ممكن تكون كبيره وممكن تكون صغيره
وتنحل الخلافاات اما اليوم او غد او بعد غد فمصير الخلافاات تصفيتها بالنهايه

::

المهندس كتب:

هل بالكلام الي كتبتوه اني افهم قلبكم حجر امام انسان جرحك لدرجه مادمع عليه

وانا الصحبه الي صارت اكثر من سنين

اظن مهما صار ومهما كان يبقى عزيز

وانا انتظر ردكم
ومناقشه حول الموضع

ما اقول ماتحز بخاطر الي اذبحه
لكن مو انسى الصحبه

::

قلوبنا مو من حجر
كل جرح وله عمق
والتجربه الشخصيه اللي قلت عنها ماتتوافق مع نقاشنا هني
لانها تعتبر خلافات بين الاصحاب لا اكثر ولا اقل
واكيد ان الكل مر بمثل هذي التجارب اوقات الدراسه
الموضوع يتكلم ان ان شخص جرحك وقلت لك ان كل جرح وله عمق
قلت لك

أميرهـ بكلمتي كتب:: من ناحيتي انا ما احب اشيل بقلبي شي وراح اسامحه المسامح كريم
واذا مات اكيد بنصدم .. الله يرحمه بس مستحيل تنزل دمعه من عيني
يمكن اطلب من الله يغفر له
ومثل ما قالت ملكه .. درس اني ما امن احد اسراري

بس ماراح ابجي ماراح ابجي
مايستاهل دمعه من عيني
وهذا مايدل على ان قلبي من حجر
هذا يدل على ان جرحه كان عميق
صج اني سامحته
لكن اثر الجرح مايزال موجود ماراح
...
انا سامحته والمسامح كريم والصفه هذي تدل على طيبه القلب مو تحجره
راجع كلامك عدل يامبارك
ودايما يصير في خلافات بين الاصدقاء .. والكل يدور مصلحته
::
افترض ان اختي اللي جرحتني وتوفت بعدها شنو تتوقع رده فعلي
اكيد راح ابجي
ويمكن اظل بحاله حزن لمده طويله
وكل ماتذكرتها اكيد راح ابجي مهما كانت هذي اختي
انا اللي ابيك تعرفه
ان الشخص اللي ماراح ابجي عليه
شخص ماله اي مكان فقلبي
شخص وجوده فحياتي كان خطأ
::
مشكور على الموضوع
خلص الكلام اللي عندي

::
::

مشكورة على ابداء طرح رايج

يمكن انحزت للموضوع

فهمت شنو قصدج وانا الي اقتنعت بكلامج 100%

مشكورة وكلامج فوق الصواب

والله

اسامحه لكن اني تنزل دمعه منه لا

وزين مني اروح دفانه

ولكن على حسب الجرح

وشكراا