| | ((القز)) في الكويت | |
|
+4ملك الحب زي العسل أميرهـ بكلمتي ملكه زماني 8 مشترك | كاتب الموضوع | رسالة |
---|
ملكه زماني نائبه المديره
عدد الرسائل : 1317 العمر : 35 العمل/الترفيه : طالبه المزاج : طنش أعلام الدول : المزاج : الأوسمه : وسام المسابقه : تاريخ التسجيل : 01/09/2008
| موضوع: ((القز)) في الكويت 9/2/2008, 2:52 am | |
| القز = الفراره على البحر او الاماكن السياحيه
إلي عنده [size=25]Cayenne S Guys :- ما يعرف بيتهم , 24 ساعه يفتر بالشوارع وبيده الموبايل ! تلقى يكلم وحده واهو لاحق وحده ونفس الوقت يمه وحده ! دونجوان زمانه ! , وأخر شي يطر الفلوس طر حق البانزين ! :\\
إلي عنده [size=25]BMW 645 Guys :- من الوهله الأولى تقول شهالزقرتي والثقيل , بس خل تمر يمه بنت ! يسوي أفلام بالشارع بس عشان تلتفت عليه ! ..
أما إلي عندهم Range Sport Guys :- عادي 4 رينجات لاحقين كامري فيها وحده جنها عبدالناصر الدرويش .. أغلبهم ريشه .. ونصهم من ربع Oxygen ! تلقى واهو يسوق شوي وينكسر السكان بإيده ... Oxygen = نادي صحي !
وإلي عنده Porsche Boxster Guys :- ماخذها أقساط وقاط إلي وراه ودونه وراهن البيت وماخذ قرض , بس عشان يقولوله بالدوانيه راعي البورش ..
أما قزيز الـ Corvette Guys :- وده يكشخ بس خاينه التعبير ! ..
وإلي عنده Mercedes Cls Guys :- يا مغتر وداق الثقل ويكون عمره كبير , يا لابس كاب ومتحطم وكاره حياته وعيشته ! تلقى ماله خلق يطل بويهك ! ;p ..
عاد ربع الـ [size=25]Yukon سالفه ! Guys :- الزقاره بالإيد وما بقى وحده ما تحرش فيها ! وبالغالب يكون مغيم وحاط إيميله وره وشعار القروب وإسم عايلتهم وإسم خالته وفريجهم ووين ساكن ورقمه المدني .. وما بقى دوريه بالكويت ما سفطته وإسحبت الليسن منه !
والـ Blazer Guys :- يا يكون ماله خلق قز خير شر , ماخذه حق مخيم وبر وحداق وقلص .. يا مقطع القز وقاط ما وراه ودونه يظبط فيه ! وأخر شي يبيعه وياخذ كابرس ..
وإلي عنده Charger Guys :- تلقاه نفسيه يطالعك من طرف خشمه جنك ياي تتسلف منه ! وكل ما يصدف يصير أول واحد بالإشاره , تلقى بس تشب يشخط حد الدوسه ! ..
والـ BMW X5 Guys :- بالغالب واحد محترم ماشي بطريجه ماله شغل بأحد مندمج بالأغنيه إلي مشغلها وكاف خيره شر , يحوس بروحه ماله شغل بأحد ... بس بالويك إند ينقلب زقمبي ! خاصه لي يمّع ربعه بالسياره .. أما إلي عنده Cayenne Turbo Guys :- أغلبهم زقرتيه وتكانه وساعات مغترين .. بس من تشوفون واحد خفيف وكل ساعه متلفت إعرف إنه كايينه عادي بس شكل تيربو ...
وإلي عنده Mercedes CLK Guys :- الظهر كله حاطين باقات على جنب ! وإذا خزيته داس , مادري وين الدوريات عنهم عاد الـ Camaro Guys :- يحسسك إنه راكب Bugatti ! نفسيه بشكل مو طبيعي .. ويطالعك جذي ويلف ويهه ! وساعات إييك واحد مدشدش وشعره لي جتفه وشنبه خفيف ويكون حاط إيميله وره وبالغالب يكون الإيميل ( [size=21]Q8eeeyCool__@homail.com ) .. ويكون الإيميل بدليه , ناسي الـ t إلي بالـ hotmail ... ولي صار الشتا تلقى يفج كل الدرايش ويشغل ناظم الغزالي ولا أي موال عراقي مضروب وإلي عندهم Mustang & Nissan Z Guys :- إلي يسوقون هالسيارتين متشابهين ! قرعه , نفسيه , يدخنون , ضعاف , قصاصه ! , وإذا خزيته عادي يسفطلك بيتهاوش أما وانيت Silverado Guys :- تلقى ما بقى إقزوز بقراجات شويخ إلا وحطه عالوانيت ! وتلقاه كله مستعيل ! إلي يشوفه يقول هذا بيلحق عالبورصه , وأهو بطالي خريج متوسطه ما عنده غير القهوه والدوانيه ! , وإذا بيغير سافر البحرين .. عاد تلقاه يمشي ويترك حق الأوادم وما بقى رصيف ما حاشه , يمشي ويحكك بهالأرصفه ويخرع الأوادم .. وتلقى بالغالب متين وعنده قفل منتف ! وكله قاط ويهه بالسياره إلي يمه ! , والناس هابين شغل ذرابه يعلقون نجمة شوارفسكي ولا كرستاله كبيره جذي , حركات يعني ... هذا معلق عقاله ! يعني تقدرون تقولون رساله مبطنه إلي يتحرش فيني ألسبه بالعقال ! وعشان يصير Cool تلقاه حاط لوقو Oakley ورى السياره ولا Nike ! عاد ربع الـ Hummer فلم ! Guys :- ما بقى شوارفسكيه بالكويت ما حطها عالسياره ! تلقى السياره تبرق , تلجح اللمعة وإنت بـ بيتكم ! عند الـ Rinag ! عالجوانب , صوب كلمة Hummer , من جدام .. من ورا ! تحت السياره .. عند القير ! شدعوه عليك ؟!!! مصنع شوارفسكي يتمشى وعلى هاللمعة تقول واحد شكله بريئ وهادي وحده مسالم ! تطل بالسياره ولا تشوف واحد يثل عليه جسم ولا أرنولد بزمانه ! حتى بخشمه عنده عظلات , وويهه مشخّط بكل مكان ! فلم رعب يتمشى ! والله لو هالشوارفسكي إلي حاطه شاف ويهه جان كش ! والـ Escalade Guys :- في نوعين , نوع ماله شغل بأحد .. هذا تلقاه ماشي 60 50 بسايده بهدوء ومسكين مبطل بس السكنات عشان ما يكسر عين إلي جدامه وهادي حده , تلقى حتى مو مغيم .. النوع الثاني لاعب بحسبة السيارة ! تلقى الـ Ringat كروم اللمعة مو صج ! ومعطيك زنون مشلخ إلي جدامه ! تلقى بالإشاره إذا جدامه سياره سبورت يتعمد يبطل الزنون بعينه ! عشان يخليه يكره حياته ! وتلقى التغييم سوبر ! ولازم داخل السياره في شي بيربري ! .. يا ربطه معلقها تحت الجام ! يا الكشنات , يا عند السناده , يا صوب السكان .. المهم لازم بيربري ! .. وساعات Gucci ! وهذيل نوعهم بواكتهم وحزمهم وجواتيهم كله تقليد وكله نايم عالأوادم بالشارع !وإلي عنده Ferrari F360 Guys :- تلقاه فوق الثلاثين .. شكله ذرب عنده شنب متبتب شوي لابس كاب وبولو ونظاره طبيه ! شكله كلش مو مال سياره سبورت ! تحس السياره مو راكبه عليه وبعضهم مغترين وهذيل زقرتيه كله داقين الثقل ... Range Rover Guys :- أصحاب الرينجات أنواع , واحد زقرت تكانه داق السكسوكه كاشخ بالغتره و ويهه سيده , شكله يوحي إنه رايح المناخ .. وثاني محندب من كثر العظلات ! السكان بإيده قاعد يبجي من كثر ماهو ماسكه بعنف ! ولي خز وحده يخزها جنه يقولها ' باكلج ' ! احس البنت لي خزها شوي وتبجي .. وفي نوع ثاني جنه زيتونه مرت باباي , ماادري شكلهم ما يوكلونه بالبيت .. عاد هالنوع الله ياهو خفيف ! تلقاه مو مصدق عنده رينج , من يمر زول بنت الا طيران وراها ويوصلها بيتها بعد , وتلقاه مو شايف ويهّا يمكن ! وساعات يلحق منقبات ! .. ماادري شنو شاف من ويّها عشان يحبها ويتحطم فيها .... Cayenne V6 Guys :- مو راضي يقتنع إنه سيارته كايين عادي مو اس ولا تيربو ! تلقاه حاط وره السياره Cayenne S ! وساعات غشّم يحطون Cayenne Turbo وشكل السياره كايين عادي .. وطبعا إلي يحطون S ينصادون من الـ Ringat ! أما إلي مظبط السياره بـ Ringat كبيره وصابغ الجناح ومسوي أكشنات وكاتب Cayenne S , هذا محد يدري عنه .. بس لما يوقف يمه Cayenne S يقوله اخوي تجرب ؟! تلقى شوي يعرّق ويتبلعم ! وبعدين يتعذر يقول والله مافيها بانزين .. هذا على طول ينصاد إنه كايين عادي V6 .. Camry Guys :- هذا يكون على قد حاله , بعني ما عنده فلوس ياخذله موتر كشخه فـ مقزرها على كامري ... ومسكين بطلعة الروح ابوه إقتنع ياخذله السياره , الابو كان يبيه ياخذ كولت ايام سنة الهدامه .. عاد قال لازم أحط لمستي السحريه بالسياره , فـ تلقاه حاط لمبات زنون من وره صوب الرقم يعني Lexus , ومغيم السطابات الي وره , ومركب زينون من جدام , وحاط لمبات صفر صوب الكشافات الي جدام جنه ذبانه , وحاط زوايد صوب البيبان , وصابغ الـ Calipers ' غطى السفايف ' أحمر , ومركب جناح وره السياره طوله مترين إلي يشوفه يقول بتطير السياره , وحاط ستكرز نادي القادسيه ومعلق فنيلة القادسيه بالجام إلي وره , ومعلق قرآن صغير تحت الجام و24 ساعه مشغل راب .. وكاتب وره السياره ماشالله .... وكل يوم مطيح بشارع الزينه يدور زوايد يديده حق السياره ! وتالي الليل يروح شارع المطاعم يسفط عند تايم أوت ويطيحله بلعه , Mini Copper Guys :- تلقاه شعره طويل ومغيم السياره 30% وما يتلفت وايد , وتحس دمه خفيف حده .. يا كاتب وره السياره همر مسوي رجيم , يا إنتبه باص مدرسه , يا حفيد الهمر ! جنه شاري السياره عشان يخلي الناس تضحك عليه .. ونوع ثاني يكون حاف حواجبه , ملمع الشفايف ويطالع الشباب بخجل , واذا واحد سواله حركه مو حلوه وعصب , يحط إيده على خده ويلف ويهه يعني حاربتك ! Touareg Guys :- تلقاه مركب فوق السيارة سلة الكايين , و حاط Ringat كايين , وصابغ الي حوالين الجام سلفر نفس الكايين , وكاتب ورى السياره Touareg نفس الكايين , وكاتب عالجوانب صوب البيبان Touareg نفس الكايينات , وحاط علامة فولكس واجن صوب المدقر هم نفس الكايينات ! إنزين يا أخي الكريم , ليش ما خذيت كايين وفكيت عمرك يعني ؟! Grand Cherokee el Qadem Guys :- تلقى ما بقى باج إنتخابي ما علقه تحت الجام ! وورى حاط شعار المستقله ! أو إييك واحد يكون ماخذه حق حداق وحق طراده ! فـ عدة الحداق كلها بالسياره .. ومن بعيد بس يقرب يمك تشم ريحة زفره ! هامور يتمشى مو شروكي .. Maybach تلقى السياره مغيّمه من وره .. وإلي يسوق واحد زقرتي , أسمر كبير شوي , يثل حده ! ساكب بالغتره , ملامحه دمويه .. وما يتلفت لو شنو ! لو يصير إنفجار يمه هم ما يتلفت .. نفس حرس بريطانيا إلي يلبسون أحمر ماكو ! المهم تشوفه تقول أووووف شهالواصل هذا ! زقرت وسكبه ويسوق مايباخ , لا يحوشك .. فجأه يسفط , وينزل من السياره ويروح ويفج الباب إلي وره ! ولا ينزل واحد جنه بو جسوم إلي بمسرحية سيف العرب بس إنه كاشخ شوي ونظيف .. ولا يطلع بو سمره سايق حق بو جسوم ! .. عاد مايباخات الكويت معدوده عالاصابع وكل أصحابها شسمونه ! مو زين يوصلهم خبر وأروح طلحه انا ! Luxes LS Guys :- نفس سكبة الشايب إلي راكب الـ S بالظبط ... بس الفرق الوحيد إنه هذا راس ماله هالسياره ! فـ خايف عليها بشكل مو طبيعي , ولي سفطها بالبيت يغطيها , وما يخلي الخدامه تغسلها , وكل ثلاث أيام يوديها محطه غسيل يغسلونها .. Altima Guys :- هذا يسمونه بو هبه .. قالو نبيه أخضر راح حط ستكرز كبر بيتهم نبيه اخضر ! قالو نبيها 5 راح كتب نبيها 5 بالبرتقالي .. قالو بنسوي مظاهره عند اتحاد الكره راح حط صورة احمد اليوسف وعليها X ! توفى الشيخ جابر الله يرحمه راح حط صورته , عينوا صباح الاحمد أمير راح شال صورة الشيخ جابر وحط صورة الشيخ صباح ! مرزوق الغانم نزل الإنتخابات راح حط على سيارته , إنتخبو مرزوق الغانم ! واهو مو بدائرة مرزوق الغانم , وبدون يعني ما يقدر يصوّت ! قالو يبيله لمبرغيني حط صورة لمبرغيني ! قالو يبيله طياره حط صورة طياره .. الناس هبوا بمجلة الديره راح حط ستكرز الديره ! الناس هبوا بكنتاكي راح حط صورة الشايب ! وبين كل هالستكرزات الي حطها ستكرز واحد ظل ثابت وليلحين ما إنشال .. وإهو ' إذكر الله ' ! والسياره لونها أبيض وكاتب ' إذكر الله ' بالاصفر !Jaguar Xk Guys :- يا إييك خال فارش بالسياره , الراس مدقوق صفر بموس ! من كثر ما تلمع القرعه إنعكاس السكان مبين فيها ! وماسك السكان بإيد وحده .. وإذا تعب يسوق بصعبه الصغير بس من كثر ماهو راهي , أو إييك واحد شكله زقمبي , زقرتي بس زقمبي .. Land Rover Guys Girls هالمره راح تكون النقطه مشتركه بين البنت والصبي .. السؤال إلي يطرح نفسه للي يسوقون اللاند , ما في تي شيرت نص جم ؟! إنزين جم طويل ؟ .. ليش مصرين تلبسون حفر ؟! .. لما يمر يمي لاند ما أشوف إلا ويه وزند ! .. إنزين قول البنات يعني زندهم مقبول وفي نوع من الإغراء .. بس شباب الله يهداكم شفيكم ! تطـلّع غابات الأمازون حق الناس ليش ؟! ترا فيه ناس تعبانه بالشارع , وفي ناس عندها أمراض وهالمناظر تأثر فيها .. بروحها جامة السيارة شكبرها ! يعني المسائل كلها مبينه .. خفـّوا عالأوادم شويه مو قاعدين بأكوا بارك إحنا , Colt Guys :- تلقى نظاره طبيه أم إطار أدعم متين وجامتها قاعة بطل , ومتقلقص بقميص الزرارات جنه عادمينهم من كثر ماهو ضيج ! وشعره بالنص تصحر , وعاليمين واليسار إزدهار معماري ! والويه كله خدود ولما يضحك مركب ضرس ذهب والباجي سود من الزقاير .. ولي يه يمك بالإشاره ينزل الدريشه ويقولك ' حزرتك هيّه فين قمعية الروزه ؟! ' وأحنا أصلا واقفين باشاره شارع الخليج ! .. إنزين إنت أوصل المنطقه أول بعدين إسأل عن الجمعية ! ولي طلّيت بالسياره تلقى دفاتر مقططه وكتاب مكتوب عليه , علم الفيزياء ! لا يحوشك !
[/size][/size][/size][/size] | |
| | | أميرهـ بكلمتي || سمو الأميرهـ ||
عدد الرسائل : 2557 العمر : 35 الموقع : فقلب حبيبي العمل/الترفيه : حساسهـ المزاج : فوق الغيوم أعلام الدول : المزاج : الأوسمه : تاريخ التسجيل : 16/08/2008
| موضوع: رد: ((القز)) في الكويت 9/2/2008, 2:27 pm | |
| l0o0o0o0o0o0l ههههههههههههههههههه يعطيج العافيه يالغاليه لاهنتي ياربي | |
| | | ملكه زماني نائبه المديره
عدد الرسائل : 1317 العمر : 35 العمل/الترفيه : طالبه المزاج : طنش أعلام الدول : المزاج : الأوسمه : وسام المسابقه : تاريخ التسجيل : 01/09/2008
| موضوع: رد: ((القز)) في الكويت 9/2/2008, 2:51 pm | |
| تسلمين اميره على مرورج الروعه ومانحرم من تواجدج وياي نورتيني يالغلا | |
| | | زي العسل نائبه المديره
عدد الرسائل : 1415 العمر : 35 الموقع : https://q88z.yoo7.com العمل/الترفيه : طالبه المزاج : كيفي مزاجي أعلام الدول : المزاج : الأوسمه : وسام المسابقه : تاريخ التسجيل : 16/08/2008
| موضوع: رد: ((القز)) في الكويت 9/7/2008, 8:05 pm | |
| لوووووووووووووول يسلموووو والله موتيني ضحك :-) | |
| | | ملكه زماني نائبه المديره
عدد الرسائل : 1317 العمر : 35 العمل/الترفيه : طالبه المزاج : طنش أعلام الدول : المزاج : الأوسمه : وسام المسابقه : تاريخ التسجيل : 01/09/2008
| موضوع: رد: ((القز)) في الكويت 9/8/2008, 10:42 am | |
| يسلمج ربي حبوبه شاكرتلج مرورج | |
| | | ملك الحب Admin
عدد الرسائل : 496 العمر : 33 الموقع : https://q88z.yoo7.com العمل/الترفيه : طالب المزاج : ؟!!..؟؟!! أعلام الدول : المزاج : الأوسمه : تاريخ التسجيل : 16/08/2008
| موضوع: رد: ((القز)) في الكويت 9/22/2008, 1:54 pm | |
| لوووووووووووووووووووول يسلمووووووو خيتووووو على الموضوع تقبلي مروري | |
| | | ملكه زماني نائبه المديره
عدد الرسائل : 1317 العمر : 35 العمل/الترفيه : طالبه المزاج : طنش أعلام الدول : المزاج : الأوسمه : وسام المسابقه : تاريخ التسجيل : 01/09/2008
| موضوع: رد: ((القز)) في الكويت 9/22/2008, 8:27 pm | |
| يسلمك ربي خيو شاكرتلك مرورك | |
| | | قدســـــاوي الملك
عدد الرسائل : 3197 العمر : 30 الموقع : https://q88z.yoo7.com/forum.htm العمل/الترفيه : طالب المزاج : فرش أعلام الدول : المزاج : الأوسمه : تاريخ التسجيل : 31/08/2008
| موضوع: رد: ((القز)) في الكويت 9/23/2008, 7:27 pm | |
| لوووووووووووووووول يعطيج العافيه تقلبي مروري | |
| | | ملكه زماني نائبه المديره
عدد الرسائل : 1317 العمر : 35 العمل/الترفيه : طالبه المزاج : طنش أعلام الدول : المزاج : الأوسمه : وسام المسابقه : تاريخ التسجيل : 01/09/2008
| موضوع: رد: ((القز)) في الكويت 9/24/2008, 11:42 pm | |
| يعافيك ربي خيو شاكرتلك مرورك | |
| | | غريــ الدار ــب مشرف منتدى الانمي
عدد الرسائل : 412 العمر : 32 العمل/الترفيه : بطالي المزاج : مستانس أعلام الدول : المزاج : تاريخ التسجيل : 20/09/2008
| موضوع: رد: ((القز)) في الكويت 9/27/2008, 11:13 am | |
| ههههههههههههههههه
احلى شي راعي الفراري المتبتب خخخخخخخخ
فوق الثلاثين ههههههه
تسلمين خيتو على الموضوع العذب المضحك
ولا هنتي
تقبلي مروري
ودمتي بوود
,,,,,,,,,, | |
| | | ملكه زماني نائبه المديره
عدد الرسائل : 1317 العمر : 35 العمل/الترفيه : طالبه المزاج : طنش أعلام الدول : المزاج : الأوسمه : وسام المسابقه : تاريخ التسجيل : 01/09/2008
| موضوع: رد: ((القز)) في الكويت 9/27/2008, 11:36 pm | |
| | |
| | | ASMAR MMLO7 مشرف ماسنجري ومبايلي
عدد الرسائل : 667 العمر : 38 العمل/الترفيه : دجي DJ المزاج : هادي...... مستانس أعلام الدول : المزاج : وسام الشهر : تاريخ التسجيل : 28/08/2008
| موضوع: رد: ((القز)) في الكويت 10/10/2008, 10:46 pm | |
| لووووووووووووووووووووووووووووووووووووووووووووووووووول مكشوره على الموضوع | |
| | | ملكه زماني نائبه المديره
عدد الرسائل : 1317 العمر : 35 العمل/الترفيه : طالبه المزاج : طنش أعلام الدول : المزاج : الأوسمه : وسام المسابقه : تاريخ التسجيل : 01/09/2008
| موضوع: رد: ((القز)) في الكويت 10/14/2008, 10:51 pm | |
| | |
| | | المهندس مشرف المنتدى العام
عدد الرسائل : 536 العمر : 33 العمل/الترفيه : طالب جامعي المزاج : cool أعلام الدول : تاريخ التسجيل : 24/08/2008
| موضوع: رد: ((القز)) في الكويت 12/20/2008, 10:00 pm | |
| لووووووووووووووووووووووووووووول
كااااااااااااااااااااااااااااااااااااااك لووول يسلموووا
افا يالشباب جذي انتو تلحقووون البنات لحاق لووووووول
شنو يعني البنات مايحلقون الشباب ولا شنو طبقه ثانيه خخخخخخ | |
| | | | ((القز)) في الكويت | |
|
مواضيع مماثلة | |
|
مواضيع مماثلة | |
| |
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| أفضل 10 أعضاء في هذا المنتدى | |
|